)
શું તમે જાણો છો કે દેશના ટોચના અમીર મંદિરો પાસે પડેલા ખજાનાથી અમેરિકા, ચીન જેવા દેશોનું દેવું પણ ભારત ઘટાડી શકે તેમ છે. હકીતમાં દરેક વ્યક્તિ ધર્મ, કર્મ, પૂજાનું મૂલ્ય જાણે છે અને દરેક વ્યક્તિ તેને પોતાની રીતે કરે છે. જો આજના યુગની વાત કરીએ તો નેતા, અભિનેતાથી લઈને સામાન્ય માણસ સુધી દરેક મંદિરોમાં જઈને માથું ટેકવે છે. તે આજના યુગનું નવું ફેશન સ્ટેટમેન્ટ બની ગયું છે. ચૂંટણી જીતવાની હોય કે રાજનીતિ કરવી હોય, મંદિર અને ધર્મનું કોકટેલ એકદમ બંધ બેસે છે. દેશમાં એવા હજારો મંદિરો છે જ્યાં દરરોજ કરોડો ભક્તો પોતાની અરજી (માનતા) લઈને પહોંચે છે.
ભારત કઈ રીતે દુનિયા પર રાજ કરી શકે:
ટોચના મંદિરોની કમાણી અને સ્ત્રોત
1. પદ્મનાભ સ્વામી મંદિર:
આ મંદિરની ગણતરી દેશના સમૃદ્ધ મંદિરોમાં થાય છે, જે ત્રિવેન્દ્રમમાં આવેલું છે. એક અહેવાલ અનુસાર આ મંદિરમાં 6 તિજોરીઓમાં 20 અબજ ડોલરની સંપત્તિ છે. આ મંદિરમાં ભગવાન વિષ્ણુની સોનાની મૂર્તિ છે, જેની કિંમત 500 કરોડ રૂપિયા હોવાનું કહેવાય છે.
2. આંધ્ર પ્રદેશનું તિરુપતિ બાલાજી મંદિર:
આંધ્રપ્રદેશમાં સ્થિત તિરુપતિ બાલાજી મંદિરની વાત કરીએ તો આ મંદિરમાં 9 ટન સોનાનો ભંડાર છે. આ મંદિરમાં દર વર્ષે લગભગ 650 કરોડ રૂપિયાનું દાન પ્રસાદ સ્વરૂપે મળે છે. લાડુ અને પ્રસાદના વેચાણથી પણ આ મંદિર દર વર્ષે લાખોની કમાણી કરે છે. મંદિરની નજીકની વિવિધ બેંકોમાં લગભગ 14000 કરોડ રૂપિયા જમા છે.
સુપ્રીમ કોર્ટનો વિરોધ પક્ષોને મોટો ઝટકો, ED-CBI સામેની અરજી પર સુનાવણી કરવાનો ઇનકાર
દુનિયાના અમીરોમાં 16 નવા ભારતીયોની એન્ટ્રી, બે યુવા ભાઈઓએ કર્યો ધમાકો
દેશનું એકમાત્ર ગામ...જ્યાં પ્લાસ્ટિક આપતાં મળે છે સોનું, કારણ જાણીને ચોંકી જશો
3. મદુરાઈનું મિનાક્ષી મંદિર:
આ મંદિરની ગણતરી પણ દેશના ટોચના સમૃદ્ધ મંદિરોમાં થાય છે. મીડિયા રિપોર્ટ્સ અનુસાર આ મંદિરની વાર્ષિક આવક 6 કરોડ રૂપિયા હોવાનું કહેવાય છે. આ મંદિરમાં દરરોજ લગભગ 20 થી 30 હજાર લોકો દર્શન માટે આવે છે.
4. શિરડીનું સાઈ મંદિર:
શ્રીમંત મંદિરોની યાદીમાં શિરડીનું સાંઈ મંદિર પણ સામેલ છે. આ મંદિરના બેંક ખાતામાં 380 કિલો સોનું, 4428 કિલો ચાંદીની સાથે 1800 કરોડ રૂપિયા જમા છે.
5. મુંબઈનું સિદ્ધિ વિનાયક મંદિર:
મુંબઈના સિદ્ધિવિનાયક મંદિરમાં દાન અને પ્રસાદથી દર વર્ષે લગભગ રૂ. 125 કરોડની આવક થાય છે.
અમેરિકા, ચીન, પાકિસ્તાન પર દેવું:
અત્યાર સુધી તમે મંદિરોની કમાણી અને તેમની આવકના સ્ત્રોત જોયા હશે. હવે અમે તમને જણાવી દઈએ કે અમેરિકા, ચીન સહિત ઘણા મોટા દેશોની અર્થવ્યવસ્થા પર દેવાની જાળ એવી ફેલાઈ ગઈ છે કે જો સમયસર તેની સામે કાર્યવાહી નહીં કરવામાં આવે તો સમગ્ર વિશ્વમાં ખળભળાટ મચી શકે છે. એકલા અમેરિકાની વાત કરીએ તો માત્ર બે વર્ષમાં અમેરિકા પરનું કુલ દેવું $8.2 ટ્રિલિયન વધી ગયું છે. બીજી તરફ જો ચીનની વાત કરીએ તો તેમના પર લગભગ $385 બિલિયનનું દેવું છે, જે GDPના 5.8 ટકા જેટલું છે. પાકિસ્તાનની વાત કરીએ તો અહીંની સ્થિતિ કોઈનાથી છુપાયેલી નથી. હવે પાકિસ્તાન નવી લોન મેળવવા પણ સક્ષમ નથી. જો આ ટોચના સમૃદ્ધ મંદિરોના ખજાના અને કમાણી ઉમેરવામાં આવે તો ઘણા દેશોનું દેવું ચૂકવી શકાય તેમ છે.
લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
